Synology NAS 駁W4S解碼

小弟之前用富仕通電腦，用windows 8.1行foobar經USB線入去部W4S DAC-2解碼，音色覺得唔錯，但始終都係覺得唔夠立體，細節及清晰度和我的祈望尚有一段距離，加了一個USB位的濾波及換了一條Trustec的冷凍USB線，高音及低音方面已經有可觀改善表現，可能始終係用電腦關係，總是不滿意。我知道玩CAS最好聲係用Linux系統出聲，但我身邊的朋友又唔識攪，唯一可以簡單的方法係用NAS直接出聲。

上個星期經過電腦商場，終於買了個Synology SD214play 的NAS，用了2個3TG的硬碟去save音樂檔案，打算用佢直駁W4S去聽歌仔，但點知插個USB入去個W4S道個插頭上，個NAS係唔可以detect到W4S，但插入去個nuforce解碼就冇問題，最後唯有經nuforce 解碼出同軸再到個W4S解碼出聲，但只是比用電腦出聲好了些少，低音力是好了一叮點。

最後我在網上問人，才知Synology的USB輸出只能支援幾款解碼，係唔支援W4S，後來我再我朋Barry兄，他是香港W4S代理，佢叫我買部Hydra-Z，用佢個介面將Synology的USB輸出轉為I2S輸出到W4S。

我帶了這個Hydra-Z二奶番屋企，用I2S接落個NAS後，W4S個displace冇顯視是否接到個解碼，我真係有些少驚又白費心機及浪費金錢，但始終都要試一試，我用個NAS開了一隻普通的中文歌聽，個W4S即刻顯視有44.1就號到，開聲好過我駁的nuforce再轉同軸出幾班，再播隻24X192的音樂檔案，又出得到，低音出得更有力，分晰力又提高了，背景了靜了...真係一天光晒。再試播DSD file，一樣出得到，但W4S解碼顯視只係44.1，代理Barry兄話呢個係舊款W4S解碼問題，係出到DSD的就號的。

後來再換了條Trustec 的HDMI線再聽，Synology 出的 3D 感及低音力水及深沉，高音明亮，清晰及甜美係用電腦無可比的，以聲論價，絕對冇後悔用呢個組合去聽歌，連我個仔唔係玩開HiFi的佢都聽得出個聲音變化。聽大款聲，低音除了可以好堅實咁落到地，最重要係聽鼓的時候，每一次鼓棍打在鼓皮上時，鼓皮發出的聲音係感覺到向下沉了一，聲音直落地面再滲透過來，我玩了三十多年的音響，攪了多年還未達滿意，但這次我一擊即中，好開心。以後我都唔會再用電腦再聽歌了。