萬人迷碧咸﹑Ricky Martin﹑李玟﹑韓國男團EXO-M﹑李宇春﹑許茹芸及老公﹑陳綺貞﹑陶喆﹑林志穎及張智霖等,今晚出席假澳門威尼斯人酒店舉行嘅「第18屆全球華語榜中榜」,下午時份舉行紅地毯儀式,現場有三﹑四百名粉絲,當中以女fans為主。
今午喺酒店游水兼自拍的碧咸,以壓軸嘉賓身份亮相,佢以西裝骨骨打扮行紅地毯,身後有名保鑣陪伴,認真架勢。咸爺接受司儀訪問時表示,多謝CoCo(李玟)及佢老公款待,佢話:「同佢哋係識咗好耐嘅朋友。」司儀又問佢點勉強中國足球員,佢話:「繼續踢﹑繼續熱愛呢個運動,同埋要有熱誠。我好高興嚟到澳門,十五年前踏足中國,喺中國有好多朋友,好多謝好多人關心我同我家人。」其間女司儀要求同佢嚟個抱抱,碧咸亦答應hug hug,認真識做。
至於Ricky Martin就話首度到訪澳門,感覺好興奮,佢表示啱啱做完專輯,今晚高歌兩曲;
|